Gernika-Lumoko aralar Udal Tadea

Juan Kalzada asfaltatuta 2,

gernikalumokoaralar — Sat, 05 Feb 2011 18:09:28 +0000

Abuztuan asfaltatu zuten Juan kalzada, eta orain, urtarrilean berriro.
Zer negozio da hori?
PNV dago udalean edo EA-ANV?
Ta bidegorria?

Berriro; eta bidegorria #$!/?

Hilabeteak mezurik gabe,

gernikalumokoaralar — Sat, 05 Feb 2011 18:08:28 +0000

Iraultza ez da interneten egiten…

PNV-ren kanpaina 2,

gernikalumokoaralar — Sat, 28 Aug 2010 08:14:54 +0000

Mugikortasun jasangarria dela eta 18 milioi euro urdaibaiko trenbideak hobetzeko bideratuko dituztela esaten digute.
Publizitate oso ona. Baina orrialde berean esaten digute 300 milioi baino gehiago erabiliko direla Autzaganeko eta bermeoko bideak hobetzeko.
300 milio 18ren kontra!!! Hau da jasangarritasuna? guztia autoaren alde?
Saltzaile oso onak dira, eta tamalez, inozo asko dago…

PNV-ren kanpaina 1

gernikalumokoaralar — Sat, 28 Aug 2010 08:14:28 +0000

Gure jeltzale maiteek makina martxan ezarri dute hurrengo udal hauteskundeak irabazteko. Bigarren aldizkaria banatu dute udala kritikatzeko eta beraien alderdiaren propaganda egiteko. Komentario batzu:
- horrela bada, guk ere aterako dugu aldizkaria. Gu saiatzen gara udalbatzan lan egiten, baina ikusten dugunez gure burua saltzen ikasi behar dugu.
- beraien oposizio lana kritikatu gabe, aldizkaria kalitate askoz altuagokoa da, ikusten da dirua eta medioak ipini dituztela. Badakite zer garantzitsua den boterea berreskuratzea.
Baina interesgarria artikuluen muina da. EA-ANV-ren kritikan nahiko zuzen daude, baina ezin dezakete esan udalak ez duela ezer egin (nahiz eta gezurra ez izan) eta beraiek pila bat egin dutela. 30 urte gobernatzen gauza asko egin daitezke, 4 urte eskasak dira inertzia gelditzeko. Kritika eta gero marketing hutsa aurkitu daiteke. Hitz magikoak erabiliz: parte-hartzea, jasangarria eta iraunkorra!!!
Nahiz eta egunerokotasunean PNV-k kontrakoaren sinboloa bihurtu den.
Parte hartzea: biztanleak azken momentuan informatzen dira eta legeak behartzen duen mailan bakarrik, eta iritzia ez zaie eskatzen (guggenheim 2, Errigoiti…).
Jasangarria: hitza edozertarako erabiltzen dute, zentral nuklear bat garapen jasangarria litzateke beraien hitzetan. Jasangarritasuna gure kontsumoa bajatzea litzateke.
Eta mugikortasuna hurrengo artikuluan aipatuko dugu.
Beraz gero arte.

Jaiak

gernikalumokoaralar — Sat, 28 Aug 2010 08:10:11 +0000

Zoriondu nahi genuke txosnen batzordea basoberri erabiltzeagatik.
Zabor gutxiago sortzen delako, udalak denbora gutxiago galtzen duelako garbiketan, eta bezeroen kontzientziazioa bultzatzeagatik.

Kaltzada kalea

gernikalumokoaralar — Sat, 28 Aug 2010 08:09:13 +0000

Jaiak baino lehen kaltzada kalea asfaltatu dute. Bidea ondo zegoenik ez dugu esango baina krisi garaian, aurrekontu murrizketekin, ez dugu uste obra horiek beharrezkoak zirenik. Beti bezala asfaltoa, asfaltoa eta asfaltoa…. Gure diruarekin, enpresa batzuen onurarako.
Eta dirurik ez zegoen pintura gorria erosteko?
Aukera ona zen, obrak baliatzea bide gorri bat egiteko. Udalak bere azken boletinean argi esan du bidegorrien alde zegoela.
Oposizioan egotea itxarongo dute bidegorriak egiteko?

UDALA BADABIL

gernikalumokoaralar — Mon, 05 Jul 2010 19:46:21 +0000

Gernika-Lumoko udalaren azken aldizkaria asko gustatu zaigu. Herria aurrera doala, bidegorriak ukango ditugula, gehiago birziklatu dela, energia aurreztu dugula, erabakietan parte hartzea bultzatu dela….
Ba ondo egin dute aldizkari batean azaltzea, gu, egunerokotasunean, ez ginelako konturatu hain aurreratuak ginenik. Guk asfaltatzeak ikusi ditugu, adostasun eza, eta udalaen sustengua muxikako industrialdeari (ez Gernikakoari).
Aldizkaria orain ateratzen dute, amaiera delarik, jakinez ezer ez egiteko denborarik ez dutela ukango.
Aldizkari polita da, gustatzen zaigu, bakarrik falta zaie Aralar bozkatzea eskatzea.

Lan eta bizi Busturialdean.

gernikalumokoaralar — Tue, 25 May 2010 21:01:04 +0000

Aurreko artikuluari lotuta, La Vega lantegiz beteta nahi dugu, Gernikan bizi garelako eta bertan lan egin nahi dugulako. Ez gara bakarrak eta batzuk gu baino ozenago adierazten dute. Egia esan, alderdi bat garen aldetik, hauteskundeak baino lehen manifa batean lana eskatzea apur bat populista iruditzen zaigu.
Lana busturialdean egoteko ez dago sekretu handirik: lana sortu behar da. Esatea tontakeria dirudi baina hobe esatea.
Instituzioei mugitzea eskatzen bazaie, mugitzen dira, baina PNV-ek dakien moduan, Guggenheim proposatuz. PNV-ren instituzioei ezin zaie gauza handirik eskatu. Eta behin beraien soluzioa proposatuta oposizioa egitea bakarrik geratzen zaigu. Irabazteko aukera murritzekin eta gainera irudi negatiboa emanez.
Gure ustez, nahi dugun modeloa garatzeko lanabesak sortu behar ditugu, horietariko batzu existitzen dira baina indartu behar dira. Adibidez nekazari gazteen instalatzeak eta enpresa berrien sorrerak bultzatu behar dira… Nola egin? Argi da diruarekin gauzak errazago egiten direla, eta agian busturialdeak herritarrek sortutako inbertsio fondo bat beharko luke (iparraldean Herrikoa dagoen moduan). Herramienta sortuta badago, beldurrik gabe diru laguntzak eska daitezke instituzioei, baina ezin dira soluzio magikoak eskatu.
Bestalde, bertako herritarrek lantegiak sortzeko, nekazaritzan hasteko, edo negozio propioa irekitzeko kontzientzazio lan bat egin behar da. Gaurko gazteei argi eta garbi esan behar zaie beraien lana sortu beharko dutela eta busturialdearen geroa beraien eskuetan dagoela. Mintzaldiak antolatuz, kanpainak eginez, eta adibideak argitara eramanez. Horrek fruituak 10-20 urteren buruan emango ditu, baina metodo seguruena da.
Bistan da, Instituzioen laguntza ona izan daitekeela baina horretarako hobe instituzioetan egotea , eta hor kokatzen dugu guk gure lana.

Udala ta Muxikako industrialdea

gernikalumokoaralar — Tue, 25 May 2010 20:34:11 +0000

Maiatza hasieran EA Muxikako industriaguneran alde agertu da EAJ-rekin batera.
Hori bai, Gernika lumoko industriagunea lehenetsiz.
Gauzak argitu ditzagun; Muxikan industriagune berria sortzen bada, nork instalatuko du bere lantegia Beko Ibarran? EA ez da konturatu industria krisian dagoela eta lantegi berriak exepzioak direla? Eraikitzen diren poligono berriak ez dira beharrezkoak, eraikitzaile batzuen intereserako ez bada. EA-k berriro ere PNV-ren analisi bera egiten du. Hori alternatiba ederra.
Gernika Lumoko Vegan, lekua sobran dago. Guk ez dugu poligono berririk nahi La Vega beteta egon arte.

Urrezko espaloiak

gernikalumokoaralar — Sun, 28 Mar 2010 20:42:47 +0000

Karmelo Etxegarai kalea barandillaz betea, plaza ingurua berriro azfaltatua, tiloen pasealekua berriztuta….
Obra publikoak, aurreko udalekin bezala, ondo dabiltz. Kale bat zergaitik konpontzen den ez dugu oso argi, zein dira kriterioak? Merkatu inguruko bidea hain gaizki zegoen? Barandillak dohain daude?…
Uste genuen obra publikoak PNV-ren negozioa zirela, baina iduriz inertzia handia da.
Eta gure kaleetatik paseatzen garela konturatzen gara gauza garrantzitsu asko egin barik geratzen direla. Bidegorrietaz aparte, zebra bide askotan espaloia ez dago egokituta, horrek oztopo bat sortzen dielarik gurpil aulkidunei eta karroan dabiltzan umeei, hurrengo argazkian ikus daitekeen moduan.